السلام عليكم ورحمة الله وبركاته
واقعة تحدث يوميا بتكرار في حياتنا اليومية
يا عم امسك أيديها وخلصنا, امسك وحياة أبوك0000 امسكوا معانا يا جماعة
1-
أنت ليه مش بتمسك أيدي وإحنا ماشيين في الشارع؟
لا بلاش...افرضي حد من قرايبك شافنا؟
ولا حد من أصحاب أخوكِ في الكلية؟
إن شاء الله يا حبيبتي بكره نتخطب وامسك أيديك قدام الدنيا كلها.
****
2-
أنت ليه مش بتمسك أيدي وإحنا ماشيين في الشارع؟
علشان مش عاوز حد يفتكر إننا علشان اتخطبنا هنصيع بقى ونعيش حياتنا..
.وبعدين بصراحة كده أنا مستحرم... إن شاء الله بكره نتجوز وامسك أيدكِ
وأنتي مراتي
حبيبتي في الحلال.
*****
3-
أنت ليه مش بتمسك أيدي وإحنا ماشيين في الشارع؟
يا حبيبتي إحنا مش مراهقين بقى هنمسك أيدين بعض في الشارع وكده...إحنا
اتنين متجوزين ومحترمين وعندنا بيت نعمل فيه اللي عاوزين نعمله.
*********
4-
أنت ليه مش بتمسك أيدي وإحنا ماشيين في الشارع؟
يعني امسك أيدك ولا امسك أيد البنت ولا أشيل الأكياس دي كلها؟
(5)
أنت ليه مش بتمسك أيدي وإحنا ماشيين في الشارع؟
- أيدكِ إيه بس اللي هامسكها دلوقتي!
أنتي عاوزة جوز بنتك يقول علينا كبرنا وخرفنا؟