( قوقه وزعقوقه )

بما ان
الحاره المزنوقه
فـِ رواية
قوقه وزعقوقه
مش زى الأرض
المعزوقه
بضوافر فلاح شقيان
فلابد
المحشى الملفوف
والمسقى
بدهنه لخاروف
ها يسيبلك ضهرك
مكشوف
وتشوف خيبتك بالالوان
واتفرج
ياحكيم على حاكم
حالف
لثقافتك تتحاكم
ونقضيها
سجون ومحاكم
لنغطى الكدب ببُهتان
ياحلاوة
صندوق الدنيا
وشجيع مضروب
بشوزفرينيا
والست حضاره
بقت زانيه
والفار
بقى مارد م الجان
البركه
وبانت زقازيقها
من طنطا
لغاية زقازيقها
وبلدى الى بتبلع ريقها
وقعت
بين حيه وتعبان
البيضه
ماطلعتش رقوبه
والأرنب
مانواش التوبه
والتوبه
فـِ محكمه مصلوبه
والسحلفه
سابقه ياجدعان
الحق
نقيلك شماعه
العقرب
هربان م الساعه
والساعه
اللى مينتها شجاعه
طلعت
مضروبه بتوهان

كلـــــمـ وائل سويدان ــــــات

[ندعوك للتسجيل في المنتدى أو التعريف بنفسك لمعاينة هذه الصورة]