أحمد : أعتقد أننا آخر إتنين غير مرتبطين

جودي : اه .. كل صحباتى مرتبطين وإحنا آخر إتنين مش مرتبطين وكل واحد فينا عايش من غير حبيب
......
أحمد : اه .. مش عارف أعمل إيه

جودي : أنا عارفة .. تعالى نلعب لعبه

أحمد : لعبة إيه ؟

جودي : تعالى نرتبط لمدة 30 يوم , أبقي حبيبتك فيهم وتبقي حبيبى فيهم لحد ما ال30 يوم يخلصوا

أحمد : مممم , فكره حلوه وانا كده كده فاضى طول الفتره اللى جايه ..

عروض الاحداث فى بعض الايام خلال ال 30 يوم اللى عاشوا مع بعض

اليوم 1

دخلوا السينما لأول مرة مع بعض ومسكوا إيدين بعض وهما بيتفرجوا عالفيلم الرومانسى

اليوم 4

راحوا شاطىء البحر وإتفسحوا .. أحمد و جودي عاشوا وقت مميز في اليوم ده

اليوم 8

ذهبوا اللى النادى ولم يذهبوا مع اصدقائهم فقد فضلوا ان يعودوا لواحدهم بعيد عن الناس واكلموا مع بعض وحكوا لبعض وكل واحد منهم فتح قلبه للاخر

اليوم 12

أحمد عزم جودي ع السيرك وعلي بيت الرعب , جودي كانت خايفه أوى وحاولت تمسك إيد أحمد بس غلطت ومسكت إيد واحد تاني وفضلت تضحك هي أحمد عالموقف ده

اليوم 15

راحوا للعراف وسئلوه عن حظهم , العراف قال لهم : حبايبى .. متضيعوش لحظه من حياتكم وعيشوا حياتكم في سعادة مع بعض .. بعديها عين العراف دمعت وقال لهم إمشوا

اليوم 20

جودي عزمت أحمد عشان يروحوا الهرم وإتفرجوا هناك على الخيل وهو بيجرى .. جودي همست ساعتها بكلام لـ أحمد مسمعهوش


اليوم 25

ركبوا باص وبسبب الطريق المتعرج الباص عمل حادثه وكانت أول مره جودي تبوس أحمد


اليوم 29

الساعه 11:27 p.m فاضل 33 دقيقه وال30 يوم يخلصوا

أحمد و جودي قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى

أحمد : انا عطشان يا جودي , تحبى تشربى حاجه ؟

جودي : شكرا .. ياريت بيبسى

أحمد : حاضر ... إستنينى مش حتأخر

20 دقيقة عدت لحد ما جودي لقت واحد غريب بيكلمها

الغريب : إنتى صاحبة أحمد ؟

جودي : اه , ليه فيه إيه ؟؟؟

الغريب : سواق عربيه خبطه وهو في المستشفى حالته وحشه أوى

الساعه 11:57 p.m

الدكتور خرج من غرفة الطوارىء وكان فى إيده إزازة بيبسى وجواب لجودي ..

الدكتور : إحنا لقينا الحاجات دى مع أحمد

جودي قرأت الجواب وكان بيقول :

جودي .. الجواب ده انا كتبته من كام يوم , انا لقيتك إنسانه رقيقه وحلوه أوى , ولقيت نفسى بحبك بجد من غير ما أحس , إبتسامتك اللى حبتها عمرى ما حنساها , وكل حاجه حصلت بينا فى لعبة ال30 يوم خليتنى أحبك أوى .. وقبل ما ال30 يوم يخلصوا أتمنيت إنك تكونى حبيبتى بجد لآخر يوم فى عمرى .. بحبك يا جودي ..

جودي كرمشت الجواب ودخلت غرفة الطوارىء وصرخت فى أحمد وعنيها كلها دموع : أحمد .. مش عيزاك تموت .. انا بحبك , فاكر يوم ما رحنا الأهرامات ؟ ساعتها انا همست بكلام إنت مسمعتهوش .. انا كنت بتمنى ساعتها إننا نفضل مع بعض للأبد ونفضل مستمرين فى اللعبه لآخر يوم فى حياتنا ... أرجوك متسبنيش ياأحمد , حرام عليك متعملش فيا كده .

ساعتها الساعه دقت 12:00 a.m
وقلب أحمد بطل يدق ... وكانوا 30 يوم زى ما إتفقوا بالظبط .قــــــــــــــــــــص 30 يوم