| تاريخ المساهمة 10.09.11 5:24 | |
ايه لازمة المذاكره في حياتك ؟؟؟ .. .. .. .. ..
• علاج فعال للأرق .. بص يا ابني ..أول ما تلاقي نفسك عنيك مفنجله .. وهتموت وتنام ومش عارف .. كل اللي مطلوب منك .. هات الكتاب .. افتحه قدامك .. بص فيه لمدة عشر دقايق .. وبعد كده .. مفيش بعد كده انت خلاص رحت في سابع نومه
• بتزود صلة الرحم .. أول ما تيجي تمسك الكتاب .. هتلاقي نفسك افتكرت كل اصحابك وقرايبك اللي بقالك سنين مسألتش عليهم .. وهتجري علي التليفون .. وهاتك يا اتصال .. مش هتخلي حد متسألش عليه ..
• بتعلمك غض البصر .. طبعا مستغرب وبتقول ازااااااااااي ؟؟ لأن المذاكره بتسد نفسك عن كل حاجه في الدنيا بتحطك في مود كده متبقاش عارف انت مالك بزمتك حد في المود ده هيفكر يبص لواحده ؟؟
• بتنمي عندك الخيال الابداعي .. ودي بتحصل بقي معايا دايما .. كل الحاجات اللي بكتبها هنا في الصفحه .. بتيجي في بالي أول ما بمسك الكتاب .. وتلاقيني قمت جري عالنت عشان الحق اكتبها قبل ما أنساها
• بتقوي الروابط الأسريه .. لأنك وانت بتذاكر ماسك الكتاب .. باباك مبيقدرش يفتح بقه معاك مهما كنت عامل .. لأن ببساطه مامتك هتقوله سيبه دلوقتي ده ما احنا ما صدقنا انه يذاكر وحتي يا سيدي ولنفترض حتي انه باباك قاعد يشتم ويزعق انت بتبقي في دنيا تانيه أصلا ولا سامع (مشغل بقي خيالك الابداعي ) وبكده الأسره تعيش في حب وسعاده
• بتطلع المواهب اللي جواك .. هنروح بعييييييييد ليه ؟؟ قوم يا ابني هات الكتاب اللي كنت بتذاكر فيه .. وشوف كام رسمه راسمها فالصفحه .. ايشي عيون وايشي قلوب وهتلاقي نفسك كاتب اسمك بطرق لولبيه عجيبه ..
• بتزود ثقتك بنفسويتك فاكر المره الوحيده اللي ذاكرت فيها ؟؟ اه اللي هي من كام شهر دي فاكر كنت عامل ازاي فالروند ؟؟ قاعد نافش ريشك وعمال تتنطط علي أصحابك معذور بقي مهو احساس جديد عليك (محدث نعمه يعني )
___________
عدل سابقا من قبل حازم عيسى ابو الروس في 11.09.11 9:13 عدل 1 مرات |
|
| تاريخ المساهمة 10.09.11 14:38 | |
رائع اخي حازم
|
|
| تاريخ المساهمة 10.09.11 23:35 | |
|
|
| تاريخ المساهمة 11.09.11 0:46 | |
|
|
| |