قلت : {أحبك } والتقت عيني بعينه
وارتعش قلبي بصدري ينتظر منه جواب
***
طوّل بصمته حبيبي وماتبيّن لي حنينه
مرّت اللحظةسنين وصارت الدنيا سراب
***
إقتربت شوي منه ويدّي{محتضنه} يمينه
ماتحرّك فيه ساكن .. وانكسر ظنّي وخاب
***
إنتظرته يحتضنّي .. يحتويني في يدينه
إنتظرته يقول:أحبك حب ياصل للسحاب
***
كنت أبيه يحس فيني ويبعث بقلبي السكينه
لمّا أحتاجه .. ألاقي (شخص ) لايمكن يهاب
***
لكن اللي كنت أشوفه .. حطّم بصدري ضنينه
صرت أشوف الدرب أظلم ..موحش وكلّه إرتياب
***
إبتدا صدري يئن..وحطّم إحساسي أنينه
وارتوى خدي بدموعي ..واكتسى العالم ضباب
***
آآآآآآآآآه ياقسوة زماني ..آآآآآآآه ياظلمة سنينه
آآآآآآآآآه ياحزني المؤبد ..آآآآآآآآه يادنيا العذاب
***
ليه قلت ..الكلمة هذي...!!كم هاللحظة مهينه
أنتظرمنه يجاوب..وتاه بلسانه الجواب
***
||بعد...لحظات كنت أحسبها دهور ||
قال: ياعمري وحياتي هذي..الكلمة ثمينه
صعب ينطقها لساني .. [قلبي ] من ذا الحب [تاب ]
***
أنتظر منّه يكمل ..و عيني مازالت ب عينه
إكتفى ( ب تلك) العبارة و..ابتعد عني وغاب
أهلا وسهلا بك زائرنا الكريم في منتدى الهـدف المميز ، إذا كانت هذه زيارتك الأولى للمنتدى، و عندك استفسارات يمكنك زيارة صفحة سؤال و جواب ،
