| تاريخ المساهمة 20.12.12 7:08 | |
قلب المغني ذبيح
بتطوحه في الريح
خبر في كل مكان
علي جسرها بنمر
شهدا علي الرصفان
عسل الشباب الحر
علقم وشهده مر
لما الدماء تتهان
في حضره الدفان
في حرمها صرنا نخاف
غربا في قلب الوطن
متفرقين احزاب
واقفين بباب مقفول
والنار بنا شبت
مكانش يابا العشم
ياخدنا حضن الغشم
في الضلمه نتقاسم
طب مين بقا العاصم
اذا كان ولاد الليل
فردو علينا الويل
والجاهل منهم تعلم
يارب يا عالم
مين فينا كان ظالم
ومين بيتظالم
بيقول دا قلبي انكسر
وكبدي صار دبلان
يابكره خايف ليه
الحلم مش ميت
الحلم لابس بشر
في ميدانها بتبيت
بيشدها اعلان
في ميدان يمد ميدان
يجمعهم ساعه العصر
ويصلو جمعه مصر
ولكل جمعه ادان
والوطن هو الباقي
واتغور الدساتير
التفرق بين اخوين
|
|
| |
| |